രംഗപ്രഭാതിന്റെ നാടകങ്ങൾ മൈസൂരിൽ നടക്കുന്ന കുട്ടികളുടെ ദേശീയ നാടകോത്സവത്തിൽ അവതരിപ്പിക്കുന്നു|
അൻപത്തിമൂന്ന് വർഷമായി കുട്ടികളുടെ നാടകവേദിയുടെ കളിക്കളമായ വെഞ്ഞാറമൂട് രംഗപ്രഭാതിന്റെ പുതിയ നാടകങ്ങൾ മൈസൂരിൽ നടക്കുന്ന കുട്ടികളുടെ ദേശീയ നാടകോത്സവത്തിൽ അവതരിപ്പിക്കുന്നു. ഡ്രോപ്സ് എന്ന അവതരണവും പട്ടങ്ങൾ എന്ന നാടകവും സാഹസികരായ കുഞ്ഞുറുമ്പുകൾ എന്ന തീയേറ്റർ റാപ്പും അരങ്ങേറും. 22 ന് 6 മണിക്ക് രംഗായനയിലും 23 ന് 3 മണിക്ക് നടനയിലും അവതരണങ്ങൾ നടക്കും. ജനറേഷൻ ഇസഡുകളായ ( Gen Z ) കുട്ടികളുടെ ഫാന്റസിയും ആകുലതകളും കുഞ്ഞു വേദനകളും പ്രതീക്ഷകളും നിറഞ്ഞ ഡിവൈസ്ഡ് അവതരണമാണ് ഡ്രോപ്സ്. ജനറേഷൻ അൽഫയുടെ പാട്ടും ആട്ടവും പറച്ചിലുകളും നിറഞ്ഞവയാണ് പട്ടങ്ങളും സാഹസികരായ കുഞ്ഞുറുമ്പുകളും.
പ്രമുഖ നാടക സംവിധായകനും ആക്റ്റിവിസ്റ്റുമായ പ്രസന്ന നേതൃത്വം നൽകുന്ന ഇന്ത്യൻ തീയേറ്റർ ഫൌണ്ടേഷനാണ് ഫെസ്റ്റുവൽ സംഘടിപ്പിക്കുന്നത്. കുട്ടികളുടെ ചിന്തകളെ വിപണിയാക്കുന്ന ഈ കാലത്ത് ജനകീയമായി നടത്തപ്പെടുന്ന ഈ ഫെസ്റ്റുവൽ മുന്നോട്ട് നോക്കുന്നത് പുതിയ ഒരു കുട്ടികളുടെ രംഗാവതരണ ബോധന പ്രവർത്തനങ്ങളെയാണ്. ഏവർക്കും സ്വാഗതം.
വിവരങ്ങൾക്ക് : +91 95447 93539
0 Comments