MDMA യും കഞ്ചാവും പിടിച്ചെടുത്തു
തിരുവനന്തപുരത്ത് എക്സൈസ് എൻഫോഴ്സ്മെന്റ് & ആന്റി നർകോട്ടിക് സ്ക്വാഡ് രാത്രികാല വാഹന പരിശോധനയിൽ രണ്ടു യുവാക്കളെ MDMA യുമായി അറസ്റ്റ് ചെയ്തു. സ്കൂൾ കുട്ടികൾക്കുൾപ്പെടെ കഞ്ചാവും മയക്കുമരുന്നും വിൽപ്പന നടത്തുന്നവരാണ് ഇവർ. കോലിയക്കോട് പൂലന്തുറ ഹിദായത്ത് നഗറിൽ അൽത്താഫ് മൻസിലിൽ താമസിക്കുന്ന 21 വയസ്സുള്ള അൽത്താഫ്, നന്നാട്ടുകാവ് ദേശത്ത് ആരാമം വീട്ടിൽ താമസിക്കുന്ന 22 വയസ്സുള്ള ആരോമൽ രമേശ് എന്നിവർ ആണ് അറസ്റ്റിൽ ആയത്. നന്നാട്ടൂകാവ് ജംഗ്ഷനിൽ വച്ച് മയക്കുമരുന്ന് വിൽപ്പന നടത്തുന്നതിനിടയിലാണ് എക്സൈസ് സർക്കിൾ ഇൻസ്പെക്ടർ ബി. എൽ. ഷിബുവിന്റെ നേതൃത്വത്തിലുള്ള സംഘം ഇവരെ പിടികൂടിയത്. ഇവരിൽ നിന്ന് 1.47 ഗ്രാം MDMA യും 225 ഗ്രാം കഞ്ചാവും പിടിച്ചെടുത്തു.
പൂലന്തറ ഭാഗത്തു വിദ്യാർത്ഥികൾക്കടക്കം മയക്കുമരുന്ന് വിൽപ്പന നടത്തുന്നവരിൽ പ്രധാനിയായ അൽത്താഫ് കുറച്ചു നാളുകളായി എക്സൈസ് ഷാഡോ ടീമിന്റെ നിരീക്ഷണത്തിലായിരുന്നു.
0 Comments