വെമ്പായത്ത് നിരോധിത പുകയില വസ്തുക്കൾ വിൽപ്പന നടത്തിയതിനു കടയുടമയെ പോലീസ് കസ്റ്റഡിയിലെടുത്തു.
വെമ്പായത്ത് എം എം സ്റ്റോർ e നടത്തുന്ന ആസാദ് (24) നെയാണ് നിരോധിത പുകയില വസ്തുക്കൾ വില്പന നടത്തിയതിന് പോലീസ് പിടികൂടിയത്.
സ്കൂൾ കോളേജ് വിദ്യാർത്ഥികൾ സ്ഥിരമായി ഇയാളുടെ കടയിൽ നിന്നും പുകയില വസ്തുക്കൾ വാങ്ങാറുണ്ട് എന്ന് തിരുവനന്തപുരം റൂറൽ എസ്പിക്ക് പരാതികൾ ലഭിക്കുകയും തിരുവനന്തപുരം ഡാൻസാർഫ് ടീം ഡിവൈഎസ്പിയുടെയും, ആറ്റിങ്ങൽ ഡിവൈഎസ്പിയുടെയും നിർദ്ദേശാനുസരണം വെഞ്ഞാറമൂട് പോലീസ് കട പരിശോധിച്ച് നിരോധിത പുകയില വസ്തുക്കൾ കണ്ടെത്തുകയായിരുന്നു.
വെമ്പായം പ്രദേശം കേന്ദ്രീകരിച്ചു മാരകമായ ലഹരിവസ്തുക്കൾ വിൽപ്പന നടത്തുന്നുണ്ട് എന്ന് നൂറുകണക്കിന് പരാതികളാണ് റൂറൽ എസ്പിക്ക് ഇതിനോടകം ലഭിച്ചത്. വരും ദിവസങ്ങളിൽ കർശന പരിശോധനകൾ നടത്തി ഇത്തരക്കാരെ നിയമത്തിനു മുന്നിൽ കൊണ്ടുവരണം എന്നതാണ് സർക്കാർ നിർദേശം. സമൂഹത്തിന് വിപത്താകുന്ന ലഹരിവസ്തുക്കൾ വിൽപ്പന നടത്തുന്നവരെ സംരക്ഷിച്ചു പിടിക്കുന്ന പ്രവണതയുണ്ടായാൽ അത്തരക്കാർക്കെതിരെ കർശന നിയമനടപടികൾ സ്വീകരിക്കുമെന്ന് മുഖ്യമന്ത്രി മാധ്യമങ്ങളോട് സംസാരിച്ചിരുന്നു.
മജിസ്ട്രേറ്റ് മുൻപാകെ ഹാജരാക്കിയ പ്രതിയെ റിമാൻഡ് ചെയ്തു.
0 Comments