വെഞ്ഞാറമൂട്ടിൽ മുഖ്യമന്ത്രിയുടെ വാഹന വ്യൂഹം അപകടത്തിൽപെട്ടു; കമാൻഡോ വാഹനത്തിന് പിന്നിൽ പൊലീസ് ജീപ്പിടിച്ചു
എംസി റോഡിൽ മുഖ്യമന്ത്രിയുടെ വാഹനവ്യൂഹംവീണ്ടും അപകടത്തിൽപ്പെട്ടു.തിരുവനന്തപുരം: എംസി റോഡിൽ മുഖ്യമന്ത്രിയുടെ വാഹനവ്യൂഹംവീണ്ടും അപകടത്തിൽപ്പെട്ടു. വെഞ്ഞാറമൂട് പ്രവർത്തിക്കുന്ന പള്ളിക്കൽ ഹോട്ടലിന് സമീപത്തു വച്ചായിരുന്നു അപകടം, അതെ സമയം അപകടം നടന്നത് പള്ളിക്കൽ എന്ന സ്ഥലത്ത് വച്ചാണ് എന്ന തെറ്റായ വാർത്തകളും വരുന്നു.
കമാന്റോ വാഹനത്തിന് പിന്നിൽ ലോക്കൽ പോലീസിന്റെ ജീപ്പിടിച്ചാണ് അപകടമുണ്ടായത്. സംഭവത്തിൽ ആർക്കും പരിക്കില്ല. കടക്കൽ കോട്ടപ്പറത്തുള്ള പരിപാടി കഴിഞ്ഞതിന് ശേഷം മുഖ്യമന്ത്രി തിരിച്ചു വരുന്നതിനിടെയാണ് അപകടമുണ്ടായത്. കമാൻഡോ വാഹനത്തിന് അകമ്പടി പോകുകയായിരുന്ന പള്ളിക്കൽ പൊലീസ് സ്റ്റേഷന്റെ ജീപ്പാണ് പിന്നിലിടിച്ചത്. മുന്നിലെ വാഹനങ്ങൾ പെട്ടെന്ന് നിർത്തിയപ്പോഴാണ് അപകടമുണ്ടായത്. വാഹനത്തിന്റെ പിന്നിൽ ചെറിയ തകരാറുണ്ട് എന്നതൊഴിച്ചാൽ അപകടത്തിൽ ആർക്കും പരിക്കില്ല. അപ്പോൾ തന്നെ യാത്ര തുടരുകയും ചെയ്തു. വെഞ്ഞാറമൂട്ടിൽ വച്ച് ഇത് രണ്ടാം തവണയാണ് മുഖ്യമന്ത്രിയുടെ വാഹന വ്യൂഹത്തിന് അപകടം സംഭവിക്കുന്നത് .
0 Comments