വെഞ്ഞാറമൂട് :
വെഞ്ഞാറമൂട്ടിൽ റോഡ് മുറിച്ച് കടക്കുന്നതിനിടെ ആംബുലൻസ് ഇടിച്ച് മധ്യവയസ്കൻ മരിച്ചു .
വെഞ്ഞാറമൂട് വലിയ കട്ടയ്ക്കാൽ ചെമ്പിട്ട വിള ഫിർദൗസിൽ ഫസിലൂദ്ധീൻ( 60) ആണ് ഇന്ന് രാവിലെ 9:30 നു ആംബുലൻസ് ഇടിച്ചു മരിച്ചത്.
വെഞ്ഞാറമൂട് നാഷണൽ സ്കാനിന് സമീപത്തു വച്ചായിരുന്നു അപകടം. തിരുവനന്തപുരം മെഡിക്കൽ കോളേജ് ആശുപത്രിയിൽ നിന്നും മൃതദേഹവുമായി കിളിമാനൂരിലേക്ക് പോവുകയായിരുന്ന ശിവജി ആംബുലൻസ് സർവീസിന്റെ ഉടമസ്ഥതയിൽ ഉള്ള വാഹനം റോഡ് മുറിച്ചു കടന്ന ഫസിലൂദിനെ ഇടിച്ചിടുകയായിരുന്നു.
തുടർന്ന് ഇതേ ആംബുലൻസിൽ തന്നെ വെഞ്ഞാറമൂട് സ്വകാര്യ മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ഫസിലൂദിന് മരണം സംഭവിച്ചിരുന്നു.
അതേസമയം ഈ സ്ഥലത്ത് ആംബുലൻസിന്റെ അശ്രദ്ധകൊണ്ട് മൂന്നാമത്തെ അപകട മരണമാണ് ഇത് ദിവസങ്ങൾക്കു മുന്നേ വെഞ്ഞാറമൂട് സ്വദേശികളായ അച്ഛനും മകളും മെഡിക്കൽ കോളേജ് സർവീസ് സഹകരണ യൂണിയന് കീഴിലുള്ള ആംബുലൻസ് ഇടിച്ചു മരണപ്പെട്ടിരുന്നു…
സംഭവവുമായി ബന്ധപ്പെട്ട് ശിവജി ആംബുലൻസിന്റെ ഡ്രൈവർ പോങ്ങും മൂട് അർച്ചന നഗർ സ്വദേശി സൂരജിനെ വെഞ്ഞാറമൂട് പോലീസ് കസ്റ്റഡിയിൽ എടുത്തു….
0 Comments